Një grup mjekësh të njohur kanë bashkëbiseduar me presidentin Ilir Meta në një takim online ku kanë diskutuar për situatën e pandemisë së covid 19 në vendin tonë. Mjekët pjesëmarrës në këtë panel, kanë vënë theksin në një menaxhim më të mirë të kapaciteteve spitalore, duke i dhënë rolin që i duhet mjekëve të familjes. Lajdon Shapo, specialist i shendetit në Londër tha se në kushtet aktuale të pandemisë në Shqipëri, masat e marra nuk mjaftojnë për frenimin e infektimeve, por duhet një mbyllje e pjesëshme qoftë edhe për tre javë që situatë të stabilizohet. Ndërkaq ish ministri i Shendetësisë Tritan Shehu, njëkohësisht drejtues i shoqatës së reaniamtorëve, tha se organizimi i reanimacionit për të përballuar këtë gjendje të pazakontë, lë për të dëshiruar Mjeku Artan Harxhi, pjesë e stafit Covid 1, kërkoi që për të shtuar numrin e testimeve, është e nevojshme të futen testet e shpejta, pasi janë me efikase dhe më te sigurta se testi PCR. Ndërsa mjeku petrit vargu, ka shfaqur dyshimet sa i takon vaksinave covid të cilat mendohet se do hyjnë në vendin tonë Ndërkaq zv.ministri i Shendetësisë Albert Nikolla, pjesë e bashkëbisedimit, ka ndërhyrë nga fundi i panelit duke e quajtur të pavend që zëri i qeverisë në këtë diskutim është lënë për nga fundi Por presidenti Ilir Meta, tha nuk ka pasur asgjë të qëllimshme në mënyrën e dhënies së fjalës së pjesëmarrësve. Sipas tij çështjet e ngritura në takim do t’i përcillen ministrisë së Shëndtesisë.