Mjekë dhe infermierë të shërbimit britanik shëndetësor, NHS, janë duke u vendosur fshehurazi në Ukrainë për të ndihmuar në shpëtimin e viktimave të raketave të Putinit që në disa raste pësojnë diegie të mëdha. Kryeministri britanik, Keir Starmer, u ndal gjatë vizitës së tij në Kiev, në një spital që trajton viktimat e luftës, ushtarakë dhe civilë, me ndihmën e ekspertizës britanike, dhe falenderoi atje stafin e takoi të plagosurit. Kirurgë nga Britania e madhe dhe ekspertë të tjerë të djegieve janë dërguar sipas The Sun në mënyrë të fshehtë në kryeqytetin ukrainas për të ndarë praktikat më të mira dhe për të trajtuar infeksionet. Ndërsa shumica e pacientëve janë të plagosur nga fronti i luftës, një numër i konsiderueshëm në kujdes intensiv, janë viktima civile të sulmeve me raketa dhe dronë mbi shtëpitë e tyre. Po ashtu ka patur edhe shumë donacione nga spitalet dhe publiku britanik, që kanë ndihmuar në rritjen e nivelit të kujdesit në spitale.