Kryeministri Kiriakos Miçotaqis priti të mërkurën Presidenten e Dhomës së Përfaqësuesve të Qipros dhe njëkohësisht kryetaren e partisë Demokratike, Annita Demetriu, në pallatin Maksimos në Athinë. Në takim dominuan zhvillimet e fundit në çështjen e Qipros, sfidat e përbashkëta me të cilat përballen Greqia dhe Qiproja dhe siguria në Mesdheun Lindor. Një referencë e veçantë iu bë partneriteteve energjetike me vendet e rajonit, veçanërisht bashkëpunimi midis Greqisë dhe Qipros për sigurinë e furnizimit në Evropë. Gjithashtu u shkëmbyen mendime lidhur me bashkëpunimin mes partisë Demokratike të Qipros dhe Demokracia e Re në grupimin e Partive Popullore Evropiane dhe mënyrat më të mira për të promovuar pozicionet e tyre në institucionet evropiane. Në takim morën pjesë ministri i shtetit Stavros Papastavro, sekretari i marrëdhënieve ndërkombëtare të Demokracisë së Re dhe deputeti Tasos Haxhivasilou, si dhe drejtoresha e zyrës diplomatike të kryeministrit, ambasadorja Anna Maria Bura.