Mediat sociale janë ngritur peshë me pretendimet e pabesueshme se një pilot i njohur si Fantazma e Kievit, fluturon në qiejt rusë duke rrëzuar avionë rusë, por a ekziston në të vërtetë ky pilot ukrainas. Një numër videosh të postuara në Tëitter, tregojnë një avion që fluturon mbi qiell, në mesin e spekulimeve se piloti ka rrëzuar gjashtë avionë rusë në ditën e parë të luftës së vladimir Putinit kundër ukrainës. Një foto që tregon pilotin e një avioni ushtarak Mig-29 u postua madje të premten nga ish presidenti ukrainas, Petro Poroshenko, duke shtuar spekulimet se gjithcka mund të jetë e vërtetë. Ministria ukrainase e mbrojtjes po ashtu ka shtuar frekuencën e zërave për heroizmat e pilotit dhe ka poshtuar në tëitter imazhin e një migu-29 si pjesë e një raportimi për pilotët në pension që janë kthyer në shërbim. “Kush e di, ndoshta një prej tyre është hakmarrësi i ajrit mbi MIG-29, që është parë kaq shpesh nga banorët e Kievit”, shkruan ajo. Qeveria ukrainase ka postuar një video dramatike 30 sekondëshe në faqen e saj të internetit duke thënë se asi i fluturimit dominon qiejt dhe është një makth për avionët pushtues rusë. Sidoqoftë, duket se ka një problem me gjithë këto narrativa dhe nuk është e sigurt nëse fantazma e kievit ekziston me të vërtetë. Ekspertët e aviacionit mendojnë se pretendimi që një pilot ushtarak mund të rrëzojë gjashtë avionë në një ditë, është i dyshimtë.