Detaje të reja janë zbardhur nga vdekja e mistershme e 4 tursitëve rus në një hotel në Qerret të Kavajës. Edhe pse fillimisht u raportua se 4 turistë u gjendën të asfiksur në një ambient saune, në fakt trupat e tyre janë gjetur në ambientet e brendshme të një pishine dimërore, pranë saunës. Punonjësit e hotelit kanë deklaruar se turistët kishin kërkuar që ambientet e SPA-së përfshirë dhe pishinën e brendshme të ishin gati që pasi të ktheheshin nga vizita e tyre në Ohër të mund të relaksoheshin aty. Sipas punonjësve, ata e kanë pastruar me klor pishinën, mirëpo mbetet I dyshimtë fakti që asfiksia e tyre të ketë ardhur nga përqindja e klorit në ujë. Nga ana tjetër, grupi hetimorë ngren dyshime në lidhje me vdekjen e tyre. Ata gjithashtu mendojnë edhe për një vrasje të mundshe pa gjurmë. Pasi sipas hetimeve të kryera, në trupin e tyre nuk ka shenj dhune. Ndërkohë në fillim të javës pritet që të dalin rezultatet e autopsisë të cilat do të hedhin më shumë dritë mbi shkakun e vdekjes. Familja ruse, prindërit dhe vajza, si dhe i fejuari i saj u gjetën pa jetë natën e së premtes në pishinën dimërore të një hoteli në Qerret të Kavajës.