Trekëndëshi i Bermudës , është fajësuar për zhdukjen e dhjetërave aeroplanëve dhe anijeve në 100 vitet e fundit. Pasi raportimet e dukurive të pashpjegueshme në këtë rajon datojnë që në mesin e shekullit të 19-të. Disa anije u zbuluan të braktisura plotësisht pa ndonjë arsye të dukshme, të tjera u zhdukën, nuk u panë dhe nuk u dëgjua më kurrë për to. Ngjarjet misterioze kanë shkaktuar teori nga më të ndryshme nga ndërhyrjet e mbinatyrshme, tek rrëmbimet aliene, apo që flasin për një zonë që është disi jashtë kufijve normalë të realitetit fizik. Madje thuhet se Trekëndëshi i Bermudës është një vend paranormal. Anijet që kalojnë aty zhduken pa lënë gjurmë. Fluturimet mbi atë zonë zhduken nga ekranet e radarëve, për të mos u parë më kurrë. Por ky është vetëm një version i historisë. Disa ekspertë kanë propozuar shpjegime shkencore për këto ngjarje. Fakti që zona brenda Trekëndëshit të Bermudës ka shumë trafik detar,mund të shpjegojë një pjesë të misterit. Çdo rajon me shumë anije, do të përjetojë më shumë aksidente sesa në një zonë me më pak aktivitet. Për me tepër kjo zonë përfshihet shpesh nga uragane të fuqishme. Një shpjegim tjetër i zakonshëm për Trekëndëshin e Bermudës qëndron tek magnetizmi. Poli Verior magnetik i Tokës, nuk është i njëjtë me Polin e Veriut gjeografik, gjë që do të thotë se busullat zakonisht nuk drejtojnë saktësisht drejt veriut. Dhe gabimet në orientim janë fatale në ujërat shpesh të cekëta të Karaibeve. Një shpjegim tjetër është prania e dallgëve mashtruese. Këto dallgë të mëdha mund të formohen në mënyrë të papritur dhe të ngrihen 2 ose edhe 3 herë mbi valët përreth. Aktualisht qeveria amerikane nuk e njeh Trekëndëshin e Bermudës, dhe kjo zonë nuk shfaqet në ndonjë hartë zyrtare. Pavarësisht teorive kospirative apo edhe studimeve një gjë është e sigurt, ajo vend është një rrezik I vertetë për njerëzit që tentojnë të sfidojnë zonën.