Misioni i SHBA-ve pranë OSBE ka dalë me një deklaratë për zgjedhjet e 25 prillit në Shqipëri, ku përmes saj vihen në dukje disa problematika të konstatuara. Ata theksojnë se përfshirja e të gjitha partive politike në zgjedhje, e teknologjisë që bënte të mundur identifikimin elektronik të qytetarëve ishin aspektet pozitive. Po nga ana tjetër, thekoset se ndonëse kishte shumë aspekte pozitive në këto zgjedhje, Shtetet e Bashkuara duke iu referuar konstatimit të misionit të OSBE-së se partia në pushtet, kishte përparësi në zgjedhje për shkak të kontrollit në administratën lokale, keqpërdorimit të burimeve administrative. “Ne gjithashtu shikojmë konstatimin e tyre, se praktikat e përhapura të blerjes së votës mbeten një problem dhe ne akoma më shqetësuese janë publikimi i të dhënave të qytetarëve, përfshirë edhe preferencat politike të votuesve. SHBA përsërit se institucionet e drejtësisë duhet të mbajnë përgjegjësi për çdo individ, që shkel ligjin dhe pengoi të drejtën e popullit për zgjedhje të lira e të ndershme. Ne mirëpresim njoftimin e SPAK për hetimet e krimeve zgjedhore. SHBA shpresojnë se në raportin përfundimtar të ODIHR Shqipëria ta përdorë për të përmirësuar më tej proceset zgjedhore. SHBA do të vazhdojë të bashkëpunojë me qeverinë shqiptare për të forcuar më tej bashkëpunimin tonë në demokraci, mbrojtje dhe tregti”, thuhet në deklaratën e misionit të SHBA pranë OSBE. Në qednrrtimin e tyre përgëzohen shqiptarët për angazhimin në zgjedhje dhe vlerësohet KQZ për punën e bërë, pasi për herë të parë në këto zgjedhje mundësuan zbatimin e suksesshëm të kodit të ri zgjedhor, rezultat i një kompromisi të lehtësuar mes palëve.