Helikopterët ukrainas Mi-8 fluturonin aq ulët sa që thuajse preknin tokën. Pilotët hapnin sytë nga cdo drejtim ndërsa shpejtonin mbi det. Duke iu afruar destinacionit, rreziku i jashtëzakonshëm i misionit, bëhej i qartë: nga kabina mund të shiheshin vincat e portit të kontrolluar nga Rusia të Mariupolit. Helikopterët uleshin në tokë dhe një ushtar, i veshur me uniformë ukrainase, tundtte duart pa ndalim duke i kërkuar trupave brenda të zbrisnin. Të paktën pesë ushtarë kërcenin në tokë, njëri prej tyre me raketahedhës. Ata kanë zbritur në rrënojat e fabrikës së celikut të Azovstalit, për të sjellë furnizime dhe armatime dhe misioni i tyre ishte aq i rrezikshëm sa që edhe presidenti Volodimir zelenski, tha javën e shkuar, se bëhej fjalë për misione thuajse vetëvrasëse...Publikuar nga kanali në telegram i Dnipro Operative Neës, imazhet tregojnë natyrën e operacioneve që ndihmuan mbrojtësit e fabrikës së celikut të rezistonin për javë ndërkohë që ishin nën rrethim të ashpër rus.