Sekretari Amerikan i Shtetit, Anthony Blinken, do të vizitojë në shkurt Turqinë dhe Greqinë në një udhëtim që de facto po kthehet në një mision ndërmjetësimi për uljen e tensioneve mes dy vendeve. Përplasjet Athinë-Ankara shqetësojnë palën amerikane sepse tensionet vazhdojnë për muajin e dhjetë radhazi dhe kanë të ngjarë të përshkallëzohen pasi Turqia dhe Qipro, një mollë sherri mes dy vendeve, janë në periudhë parazgjedhore. SHBA ka frikë se situata mund të dalë jashtë kontrollit nga një incident i paparashikuar, në det apo në ajër, aq më tepër ndërkohë që avionët luftarakë që kalojnë çdo ditë Egje. Mundësia e një aksidenti është reale, siç tregohet nga përplasja e një mjeti lundrues të rojes bregdetare greke dhe të paktën tre skafeve rojes bregdetare turke, në Farmakonissi.