Konfindustria mbështet në parim nismën e Qeverisë për Paqen Fiskale që fal detyrimet fiskale të vjetra në mbi 10 vjet si dhe lehtësimet për pagesën e detyrimeve më të reja vetëm për bizneset e paprivilegjuara, që punojnë në kushtet e konkurrencës dhe tregut të lirë. Por, konfindustria kërkon që nga amnistia të përjashtohen bizneset që nuk janë në kushtet e konkurrencës dhe tregut të lirë, si ato që përfitojnë koncesione, PPP, apo licenca ekskluzive shfrytëzimi në sektorë të ndryshëm të ekonomisë. Përjashtim, sipas konfindustrisë, nga falja duhet të përjashtohen edhe bizneset që kanë statusin e investitorit strategjik, apo që kanë përfituar prona shtetërore me 1 euro dhe mbështetje nga programet financiare qeveritare. Kërkohet përjashtimi nga amnistia edhe i bizneseve që janë në procese gjyqësore, apo arbitrazhi për detyrime financiare me shtetin shqiptar, si dhe ata që kanë aksionerët në procese penale të përfunduara, ose në vazhdim.