Presidenti ukrainas Volodymyr Zelensky tha të enjten se do t'i bënte thirrje presidentit të zgjedhur të SHBA-së, Donald Trump në nivel njerëzor, për ta ftuar atë në krah të Ukrainës, kundër liderit "të çmendur" rus, Vladimir Putin. "Mirë se vjen Donald! Çfarë mund të them?" tha Zelenski, kur u pyet nga një gazetar në Bruksel se çfarë emocionesh do të ndjente kur Trumpi të inaugurohet muajin e ardhshëm. "Unë mendoj se presidenti Trump është një njeri i fortë dhe dua shumë ta kem atë në anën tonë", tha Zelenski. Trump rikthehet në Shtëpinë e Bardhë më 20 janar, pasi u zotua të arrijë një marrëveshje të shpejtë për t'i dhënë fund luftës në Ukrainë të nisur nga Moska. Kievi dhe aleatët e tij evropianë kanë frikë se republikani i paparashikueshëm mund të ndalë mbështetjen për ushtrinë e Ukrainës dhe ta detyrojë Zelenskyn të bëjë lëshime të dhimbshme ndaj Rusisë.