Mijëra gjeorgjianë dolën në rrugët e Tbilisit pasi Parlamenti miratoi në lexim të parë një ligj të diskutueshëm për "agjentët e huaj" që kritikët, përfshirë Shtetet e Bashkuara të Amerikës dhe Bashkimin Evropian, thonë se do të ndikojë në lirinë e vendit. Ky ligj, i cili mbështetet nga partia qeverisëse Ëndrra Gjeorgjiane, do të kërkojë që çdo organizatë që merr më shumë se 20 për qind të financimit të saj nga jashtë, të regjistrohet si "agjent i huaj" ose do të përballet me gjoba të konsiderueshme. Policia u përball me protestuesit mbrëmjen e 7 marsit përpara ndërtesës së Parlamentit, kur protestuesit bllokuan sheshin Avenue Rustaveli, me thirrjet "Poshtë ligji rus". Ndërsa tensionet rriteshin, policia përdori gaz lotsjellës mbi protestuesit, të cilët thyen barrierat dhe disa hodhën sende të forta mbi forcat e sigurisë. Më vonë, duke përdorur topa uji me presion policia shpërndau turmën në orët e para të mëngjesit.