Me 100 vota pro dhe një kundër Kuvendi miratoi Rregulloren e re, pas konsensusit të arritur unanimisht për ndryshimet e rregullave të lojës në Këshillin për Mandatet, Rregulloren dhe Imunitetin. E vetmja votë kundër ishte nga deputeti I Lëvizjes Bashkë Redi Muçi, që e quajti dakordësinë mes palëve një pakt mes dy forcave politike për kompromis. Por që u kundërshtua nga kreu i grupit të PD, Gazment Bardhi. Gjatë dakordësisë të arritur në Këshillin për Mandatet, Rregulloren dhe Imunitetin palët politike, socialistët pranuan propozimet e opozitës për sekretariatin e etikës që ky organ të mos kthehej në mekanizëm arbitrariteti në duart e shumicës parlamentare, të djathtët propozuan që të ketë në përbërje një sekretar dhe pesë anëtare në raporte të barabarta mes shumicës dhe pakicës. Kur votat në këtë Sekretariat ndahen në mënyrë të barabartë, vota e Sekretarit është përcaktuese.