Me 73 vota pro, 7 kundër dhe asnjë abstenim Kuvendi miratoi ngritjen e Komisionit të Dezinformimit. Opozita u rreshtua kundër këtij komisioni, I cili u miratua me votat e mazhorancës. Komisioni i Dezinformimit do të mbikëqyrë ndikimet e huaja në mediat shqiptare apo financimet nga vende jo mike në politikë. Ky komision do të luftojë informacionin e rremë, duke përdorur median, teknologjinë dhe paratë e errëta në fushata zgjedhore. Ngritja e këtij komisioni u propozua nga grupi parlamentar i Partisë Socialiste. Ndërkohë në seancë deputetët e opozitës u rreshtuan kundër pasi e cilësuan komisionin si të njëanshëm dhe se nuk do të prodhojë asnjë rezultat. Por sipas socialistëve, ky komision do të monitorjë çdo të ardhur nga vendet jo mike kryesisht Rusia.