Tragetet e linjës Durrës Bari Durrës nuk do të operojnë deri në një njoftim të dytë, ndërkkhë që ato të linjës Durrës Ankona Durrës do vijojnë normalisht operimin. Situata me reshjet e dendura të shiut e të dëborës ka krijuar vështirësi, ku disa zona janë përballuar gjatë kësaj të diele me shkëputje të energjisë elektrike. Ministria e infrastrukturës dhe energjisë bën me dije se zonat rurale të thella malore janë hasur me këtë problematike. Gjatë mesditës ka pasur problematika në rajonet e Elbasanit dhe Beratit, ndërsa paradite nënstacioni Radhimë është stakuar për arsye sigurie, pasi kishte nivel të lartë të ujit nga reshje të shtumta. Kyt nënstacion është rivendosur në punë dhe situata është normalizuar. Sa i përket furnizimit me ujë, ministria thotë se në stacionin e pompimit në Lezhë dhe Kurbin, ka ndërprerje të energjisë dhe po punohet për rikthimin në normalitet. Megjithatë, nuk ka ndërprerje në furnizimin me ujë.