Nuk ka vonuar shumë, por kryeministri Edi Rama ka bërë zgjedhjen e tij për postin e ministrit të ri të Brendshëm, që do të zëvendësojë në këtë detyrë ish ministrin e dorëhequr Sandër Lleshaj. Përmes një postimi në tëitter Rama ka njofuar se do të dërgojë për dekretim ne presidencw emrin e Bledi Çuçit, i cili aktualisht mban postin e ministrit të Bujqësisë. Së bashku me dekretin për emërimin e Çuçit si ministër i Brendshëm, rama ka dërguar edhe dekretin për emërimin e Milva Ikonomit në postin e ministres së Bujqësisë, dukë zevendësuar vakancën e krijuar në këtë institucion. “ Do të dërgoj për dekretim nga Presidenti, Bledi Çuçin si ministër të brendshëm dhe Milva Ikonomin si ministre bujqësie; dy bashkëpunëtorë të përkushtuar në çdo detyrë që kanë kryer këto vite, me integritet, profesionalizëm dhe kulturë qytetare e politike të padyshimtë”, thuhet në postimin e Ramës. Më herët gjatë mandatit të parë të qeverisë ‘Rama’, Bledi çuci ka mbajtur postin e ministtit të shtetit për Çështjet e pushtetit vendor, Milva Konomi, ka mbajtur postin e ministres së Ekonomisë, pas largimit nga ky post të Arben Ahmetajt në atë kohë. Sandër Lleshaj dha dorëheqjen pak ditë më parë, pas protestave që erdhën si reagim për vrasjen e të riut Klodian Rasha nga një efektiv policie, ku në ditët e para u kërkua largimi i tij nga pjesëmarrësit.