Luiz Ejlli dhe Kiara Tito po shijojnë lidhjen e tyre jashtë shtëpisë së Big Brother VIP. Ata vazhdojnë akoma që të jenë në qendër të vëmendjes së publikut. Dy ish-banorët e shtëpisë më të famshme në Shqipëri fotografohen herë pas here nëpër rrugët e Tiranës. Por sigurisht nuk mungojnë as postimet në profilet e tyre në rrjetet sociale, ku shfaqen të lumtur krah njëri tjetri. Ndërkohë fansat janë shumë kuriozë të dinë nëse ata jetojnë bashkë, pasi ata dolën çift nga formati, duke kurorëzuar dashurinë e tyre në martesë në natën e finales së madhe. Së fundmi Kiara ka postuar në “Instastory” dy foto ku shfaqet një kënd i shtëpisë dhe ndjekësit menjëherë kanë nisur që të aludojnë se është shtëpia e re e çiftit të njohur. Në fotot në fjalë çdo gjë është e bardhë, minimaliste, por padyshim shumë moderne.