Kryeministri Edi Rama ka reaguar ashpër ndaj akuzave të kryedemokratit Lulzim Basha në lidhje me rrugën Milot-Fier. Kreu I PD e ka quajtur një vjedhje 1.2 miliard euro për një rrugë imagjinare. "Nuk kam fjalë për gjuhën e turpshme të atyre që duan të qeverisin Shqipërinë e sulmojnë me fjalët më të ulëta projektin Milot-Fier ende pa nisur mirë gara ndërkombëtare! Këta që fjalën e vjedhje e kanë në majë të gjuhës për çdo punë,si duket vetëm kanë vjedhur kur qeverisnin, turp", shkruan Rama në rrjetet sociale. Gara për segmentin rrugor Milot-Fier, pjesë e Korridorit Adriatiko-Jonian është hapur ditën e mërkurë, ku në prezantimin e tij ka qenë prezent edhe vetë kryeministri Rama. Ky aks do të behët me pagesë, por për ata qytetarë që nuk duan të paguajnë do të kenë mundësi që të zgjedhin një rrugë dytësore, me standarte, me shpejtësi më të limituar, që do të ndërtohet nga vetë investitori, pa paguar. Ky aks pritet të kushtojë rreth 1.2 miliardë euro.