Trashëgimtari i pronave të patundshme, Robert Durst, u shpall fajtor për vrasjen e shoqes së ngushtë të tij, Susan Berman, 20 vite më parë, në një rast që tani ka marrë sërish jetë pas një dokumentari, The Jinx. Durst u shpall fajtor për vrasje të gradës së parë pasi një juri në Los Angeles u mendua për më shumë se shtatë orë gjatë tre ditëve. Berman ishte qëlluar në shtëpinë e saj në Beverly Hills, në dhjetor 2000, ndërsa ajo po përgatitej ti tregonte policisë se kishte ndihmuar në mbulimin e vrasjes së bashkëshortes së Durst. Berman, vajza e një mafiozi në Las Vegas, ishte e besuara e hershme e Durst, dhe i kishte thënë miqve se i kishte ofruar atij një alibi pasi bashkëshortja ishte zhdukur. Vendimi shënon dënimin e parë për vrasje për një person që dyshohet se ka vrarë tre persona në tre shtete të ndryshme në më shumë se 40 vjet. Historia e cuditshme e Durst ka mbërthyer vëmendjen e shkuesve të një serie dokumentarësh hit, The Jinx: Jeta dhe vdekjet e Robert Durst, që fliste për zhdukjen e bashkëshortes së tij Kathie në 1982, vrasjen e Berman në Los Angeles 18 vite më vonë dhe vdekjen e dhunshme të një shoku dhome në Galveston të Teksasit ku Durst jetonte i maskuar si një grua shurdh-memece. Durst, një njeri super i pasur, tani 78 vjec, do të kalojë të gjithë pjesën e mbetur të jetës në qeli.