Nikoll Sherrniku aktualisht është në qeli, ku akuzohet për një vrasje të mbetur në tentativë, pasi u kap vitin e kaluar me një arsenal armësh. Ndaj 28-vjeçarit nga Fushë-Kuqa, që dyshohet si pjesë e grupit të Vis Martinajt rëndon edhe një akuzë e re, ajo e dhënies së ndihmës në kryerjen e atentatit të 12 marsit në lokalin e Fatjon Muratit në Don Bosko. Ndaj tij është dhënë masa e dytë arrest me burg nën dyshimet se u ka siguruar nga qelia mjetet autorëve që kryen sulmin, ku mbeti e vdekur aksidentalisht banakierja e lokalit, 58 vjeçarja Mimoza Paja.