Numri i udhëtarëve që mbërrijnë në portin detar të Durrësit, nisur nga portet italiane, është rritur ndjeshëm, kjo për shkak të stinës së nxehtë dhe pushimeve verore. Vetëm mëngjesin e të shtunës, me dy tragete nga bari dhe një tjetër nga ankona, kanë zbritur në portin e durrësit 2655 udhëtarë, kryesisht emigrantë shqiptarë dhe kosovarë që kthehen për pushime në atdhe, si dhe 800 mjete. Në mbrëmje ndërkohë pritet një tjetër fluks prej 1500 pasagjerësh dhe 550 mjetesh me dy tragete të nisura nga porti i Barit.