Më shumë se 1,000 njerëz në Japoni kanë bashkuar forcat për të ndihmuar në kthimin e Kalasë historike Hirosaki në vendndodhjen e saj origjinale pas punimeve të mëdha restauruese. Ekipet e pjesëmarrësve morën pjesë me radhë në tërheqjen e kalasë në një përpjekje të koordinuar me kujdes në Prefekturën Aomori, duke krijuar një skenë të jashtëzakonshme ndërsa vendasit dhe vizitorët punuan së bashku në projektin historik. Kështjella me peshë 360 tonë, u tërhoq me litarë për më shumë se dy metra. Ekipet me rotacion tërhoqën litarët 30 metra të gjatë me të cilët ishte lidhur kështjella, duke e zhvendosur atë për 1 metër e 13 cm të shtunën dhe 1 metër e 09 cm të tjera të dielën. Kalaja u zhvendos nga pozicioni i saj origjinal në vitin 2015 pasi inxhinierët zbuluan dëmtime në muret prej guri që mbështesnin strukturën. Zhvendosja lejoi që të kryheshin punime restaurimi në themelet dhe në punimet me gurë përreth. Tani, pas vitesh riparime, struktura historike po kthehet në pozicionin e saj të mëparshëm. Përpjekja e pazakontë e komunitetit ka tërhequr vëmendjen për shkak të kombinimin të ruajtjes së trashëgimisë tradicionale dhe pjesëmarrjes së publikut. Kalaja Hirosaki është një nga monumentet historike të rëndësishme të Japonisë, veçanërisht e njohur për arkitekturën e saj tradicionale dhe lulet e qershisë. Në vitin 2006, ajo u emërua si një nga "100 Kështjellat e Bukura" të Japonisë nga Fondacioni i Kështjellave të Japonisë.