Mijëra nacionalistë izraelitë marshuan të mërkurën nëpër Jerusalemin lindor të aneksuar, duke rritur akoma më shumë tensionet me palestinezët. I ashtuquajturi marshimi i flamurit të Ditës së Jerusalemit përkujton kapjen e ushtrisë izraelite në luftën arabo-izraelite të vitit 1967 të sektorit lindor të qytetit, ku ndodhet kompleksi i xhamisë Al-Aksa, vendi i tretë më i shenjtë i Islamit, të cilin hebrenjtë e quajnë Mali i Tempullit. Mijëra nacionalistë hebrenj, përfshirë aktivistë të ekstremit të djathtë, marshuan nëpër lagjet kryesisht arabe të Qytetit të Vjetër, duke valëvitur flamujt kombëtarë izraelitë, duke kërcyer dhe herë pas here duke bërtitur parulla nxitëse ose raciste. "Ky është vendi im. Unë jam pronari këtu. Unë jam bosi këtu, nuk ka Palestinë," bërtiti një pjesëmarrës teksa marshoi përpara një grupi gazetarësh. Ndërkohë policia vendosi barriera pranë portës së Damaskut për të evituar përplasjet.