Akset rrugore të Tiranës, pikat hyrëse dhe dalëse po monitorohen nga policia, me qëllim parandalimin e aksidenteve. Sipas bluve të kryeqytetit, në fokus janë shpejtësia tej normave që është ndër faktorët kryesorë të aksidenteve, drejtimi i mjetit në gjendje të dehur, apo automjetet që shkaktojnë zhurma. Gjatë javës së fundit, për shkelje të ndryshme të Kodit Rrugor, janë arrestuar ose proceduar 55 drejtues automjetesh. Në vetëm 7 ditë janë vendosur gjithsej 11 420 masa administrative dhe janë spostuar me mjet ngritës 71 automjete. Mes shkeljeve të shumta, 36 janë për alkool, 750 për shpejtëi tejnomave, 127 masa për xhama të zinj apo gjoba për parakalime dhe përdorim celulari. Sikurse duket në video, shkeljet konstatohen edhe me ndihmën e dronëve apo kamerave të vendosura në rrugë, ndaj shoferëve u bëhet thirrje të respektojnë Kodin Rrugor për të shmaungur aksidentet apo trafikun e rënduar.