Ngjarja e rëndë dhe e paprecendent e ndodhur mbrëmjen e një dite më parë në Tiranë, e ka kthyer edhe një herë vëmendjen tek të huajt, e sidomos arabët që po hyjnë ilegalisht në Shqipëri, duke ekspozuar edhe më shumë rreziqet që ata mund të mbartin. Një qytetar ne kryeqytet filmoi dy persona, një sirian dhe një tjetër po ashtu i huaj që ziheshin me njëri tjetrin dhe në një moment, siriani e ul në tokë kundërshtarin, i cilidyshohet të jetë një bashkatdhetar i tij, dhe e masakroi me dhëmbë duke e kafshuar. Ngjarja e rëndë rikthen në vëmendje trafikun ilegal të arabëve, të denoncuar me forcë përpara 9 muajsh nga emisioni investigative Top Story. Emisioni tregoi qartë sesi pa asnjë kontroll, mijëra sirianë, egjiptjanë, afganë etj hyjnë cdo vit në Shqipëri përmes ryshfetit, mashtrimit dhe skemave të Policisë Kufitare, që është përgjegjëse si për verifikimin e tyre në kufi, ashtu edhe për lejet e qëndrimit që kanë lëshuar për ta. Pas investigimit të Top Story, u arrestuan disa drejtues policie, të rikthyer më pas në detyrë. Episodi i një dite më parë tregon qartë se pa një kontroll, individë të caktuar si ai i filmuar duke kryer aktin ekstrem në bulevardin “Bajram Curri, i identifikuar tashmë si H. H., 21 vjeç, mund të kthehen në rrezik edhe për shoqërinë.