Avionët rusë u ngritën në fluturim për të ndaluar dy avionë bombardues me rreze të gjatë veprimi të ushtrisë amerikane, që po i afroheshin kufirit rus, tha të dielën ministria e mbrojtjes në moskë. Avionët luftarakë rusë MiG-29 dhe MiG-31 identifikuan dy bombardues të rëndë të Forcave Ajrore të SHBA-së B-52H që po i afroheshin kufirit rus pasi Rusia i zbuloi objektivat ajrore mbi Detin Barents, tha qeveria ruse në një deklaratë të postuar në mediat sociale. Deti Barents shtrihet në veri të Finlandës, Suedisë dhe Norvegjisë, si dhe Rusisë veriperëndimore. “Ndërsa avionët luftarakë rusë u afruan, bombarduesit strategjikë amerikanë rregulluan kursin e tyre të fluturimit… dhe më pas u larguan nga kufiri shtetëror i Federatës Ruse”, tha ministria në deklaratë. Avionët luftarakë rusë në anën tjetër "u kthyen të sigurt në bazat e tyre ajrore", shtoi deklarata.