Kryeministri i Maqedonisë së Veriut, Mickovski, teksa ka marrë pjesë ne Samitin e NATO-s në Uashington, paralajmëroi një luftë të pakompromis ndaj korrupsionit. "Ne duhet të ballafaqohemi me krimin dhe korrupsionin nëse duam të zhvillojmë shtetin tonë për brezin e ardhshëm. Ka një koalicion të madh ndërmjet elitave të caktuara politike, gjykatësve, prokurorëve dhe elitave të biznesit dhe ne duhet ta shkatërrojmë atë koalicion, nëse duam ta zhvillojmë shtetin tonë dhe nëse duam të sjellim drejtësi siç duhet të jetë. Në të kundërtën, do të dështojmë si të gjithë paraardhësit tanë dhe do të humbasim”, tha Mickoski. Për këtë nismë Mickoski, u përplas me ambasadorët e BE-së dhe SHBA-së, të cilët deklaruan se me këtë pushteti ekzekutiv përzihet në punët e pushtetit gjyqësor. Kryeministri maqedonas teksa u ndal edhe tek negociatat për anëtarësim në BE, ai tha se nuk ka garanci për një kërkesë përfundimtare në bisedimet me Bullgarinë.