"Evropa duhet të respektojë vlerat dhe parimet dhe jo të ketë standarde të dyfishta”, është shprehur ndaj Bashkimit Euroapian kryeministri I Maqedonisë së Veriut, Hristijan Mickoski në vizitën e tij të fundit në Uashington. Kryeministri maqedonas, ka hedhur kritika të fortta ndaj Brukselit dhe bilateralizimit të çështjes së Maqedonisë, gjatë qëndrimit në amerikë. "Neve na është kërkuar ta ndryshojmë Kushtetutën përsëri për ta futur pakicën bullgare në Kushtetutë, dhe kjo nuk është e drejtë. Vlerat e BE-së janë gjithçka përveç bilateralizim i procesit të BE-së”, është shprehur Mickoski. Kreu I qeverisë maqedonase duket se ka pritshmëri për administratën e re të presidentit amerikan Donald Trump. Sipas tij, ardhja e Trump në krye të SHBA-ve do të sjell një "normalitet të ri” i cili do të mbështetet nga e gjithë bota.