Presidenti amerikan Donald Trump ka ironizuar deklaratat e Princ Harry-t lidhur me luftën në Ukrainë, madje duke i përmendur edhe bashkëshorten, Meghan Markle. Gjatë një deklarate, Trump i çoi të fala kësaj të fundit, ndërsa pyeti Princ Harry-n se si e ka gruan. Trump theksoi se princ Harry nuk flet dot në emër të Mbretërisë së Bashkuar, duke shtuar se, sipas tij, ai përfaqëson më shumë Britaninë sesa vetë Princi. Megjithatë, shtoi se e vlerëson këshillën e tij. Deklaratat e princit u bënë gjatë një vizite të papritur në Ukrainë, ku ai mbajti një fjalim në Forumin e Sigurisë në Kiev, nga ku i bëri thirrje SHBA-së të respektojë angazhimet ndërkombëtare ndaj Ukrainës. Vizita e tij është e treta që nga fillimi i luftës në vitin 2022, ndërsa zhvillimet vijnë në një kohë kur pritet edhe një vizitë zyrtare e familjes mbretërore britanike në SHBA, ku është parashikuar një takim me Trump.