7 persona janë arrestuar këtë të premtë nën akuzën e kultimivimit të lëndëve narkotike. Policia bën me dije se operacioni policor antikanabis i koduar "Bushneshi" është finalizuar me sukses. Të arrestuar në kuadër të këtij operacioni për veprat penale "Kultivimi të bimëve narkotike " ,"Prodhimi dhe shitja e narkotikëve " dhe "Vjedhja e energjisë elektrike ", janë shtetasit Lek Allamani, Taulant Baroka, Gimi Hida, Xhemal Danieli, Xhevalin Kaca, Bib Gjergji dhe Alfred Fufi. Katër shtetasit e fundit janë me detyrë elektricistë dhe faturistë pranë OSHEE-së në Kurbin. Sipas njoftimit zyrtar të policisë në katin e parë të një banese u zbulua një lokal I përshatatur si laborator që shërbente për kultivimin e bimëve narkotike, nëpërmjet ngrohjes me llamba, dhe një sasi e konsiderueshme lënde narkotike. Policia sekuestroi 506 bimë të dyshuara narkotike cannabis të kultivuara në vazo dhe 58 kilogramë e dyshuar lëndë narkotike cannabis sativa. Gjithashtu u sekuestruan të gjitha pajisjet që kanë shërbyer për kultivimin e bimëve narkotike, si pajisje elektrike, llamba elektrike termale, lëndë ushqyese për bimët narkotike etj. Materialet hetimore I kaluan Prokurorisë pranë Gjykatës së Shkallës së Parë Kurbin, për veprime të mëtejshme.