Etleva Deda është gjyqtarja e caktuar në GJKKO përmes shortit qe të shqyrtojë në themel dosjen “Metamorfoza”. Deda do jetë gjyqtarja relatore e cila do të shprehet edhe për formën e gjykimit ku disa nga të pandehurit kanë kërkuar gjykim të shkurtuar. Më 8 nëntor GJKKO pas shtyrjeve të vazhdueshme për disa muaj të procesit në seancën paraprake, vendosi të kalojë për gjykim grupin me 7 të pandehur në kuadër të dosjes “Metamorfoza”. Në listën e të akuzuarve janë edhe biznesmeni strategjik Pëllumb Gjoka, ish-drejtuesi policor Ardrit Hasanbegaj dhe ish drejtuesi i Prokurorisë së Kukësit, Xhevahir Lita. Ndërkohë, pjesë e listës janë edhe subjekte të krimit të organizuar si Behar Bajri, Edmond Preka dhe Asmter Bilali. Në maj të 2024, SPAK mbylli hetimet ndaj anëtarëve të grupit të strukturuar kriminal, në kuadër të dosjes ‘Metamorfoza’ dhe dërgoi dosjen në GJKKO. Pëllumb Gjoka u arrestua më 27 korrik 2023 së bashku me Edmond Preka, Astmer Bilali, Ardit Hasanbegaj e Oltion Bistri e Xhevahir Lita. Ndërsa Behar Bajri u arrestua në Francë më 4 shtator 2023 dhe u ekstradua në 16 nëntor të po këti viti Zbulimi i grupit kriminal u zbardh nga zbërthimi i mesazheve përmes aplikacionit SKY ECC, i njohur për përdorim nga grupet kriminale.