Dy janë datat e mundshme për zgjedhjet e pjesshme lokale. 27 shkurti dhe 6 marsi u deklaruan si datat më të pranueshme për të zhvilluar zgjedhje në 6 bashki të vendit, të mbetura pa kryetarë që prej 30 qershorit të vitit 2019. Për ta çuar deri në fund misionin e tij si kryetar shteti, Meta nisi konsultimet me partitë, por në fakt nuk ka qenë ftesë nga ana e tij, por kërkesë informale e Partisë Socialiste për një gjë të tillë. Pikërisht për këtë arsye, këtë të mërkurë në orën 12:30 në dyert e presidencës mbërritën kryetari i grupit parlamentar të Partisë Socialiste, Taulant Balla dhe Arben Pëllumbi për të diskutuar lidhur me këtë çështje. Për mungesën e një ftese zyrtare për konsultim, Meta e argumentoi në këtë mënyrë. Ndërkohë, fill pas takimit me presidentin, Taulant Balla vuri në dukje sërish shkeljet e rënda kushtetuese të Ilir Metës, një prej të cilave edhe dekreti presidencial për anulimin e zgjedhjeve lokale të 30 qershorit 2019 dhe dekretimin e tyre në një kohë të mëvonshme.