Ilir Meta thotë se mirëpret 100 dëshmitarët e thirrur nga SPAK në procesin gjyqësor që po gjykohet në themel ndaj tij dhe paralajmëron se edhe ai do të thërrasë po kaq dëshmitarë. Dubël meta - Edhe ne do të kërkojmë rreth 100 dëshmitarë të tjerë, nga të cilët rreth 40 shtetas të huaj, kryesisht qytetarë, diplomatë dhe zyrtarë amerikanë, përfshirë të gjithë përfaqësuesit e kompanive lobuese që kanë bërë kontrata me LSI. Ftesë të veçantë do të ketë për të gjithë aksionerët dhe drejtorët e DIA-s së Uashingtonit, si edhe për drejtuesit e McKeon Group, përfshi edhe avokatin greko-amerikan Fidetzis. Për shkak të pamundësisë së Charles McGonigal për t’u paraqitur personalisht në gjykatë, i cili po bën burg në SHBA për Edi Ramën dhe po vuan për dëmin katastrofik që u bëri marrëdhënieve shqiptaro-amerikane, do t’i drejtojmë edhe atij përmes gjykatës një sërë pyetjesh përmes letërporosive. Lista e dëshmitarëve të kërkuar nga SPAK përfshin politikanë, ish bashkëpunëtorë të Ilir Metës dhe Monika Kryemadhit, si dhe biznesmenë që kanë dalë në dosje pas hetimeve të prokurorisë së posaçme.