Kreu i shtetit Ilir Meta ka bërë një deklaratë të pastër politike, duke u shprehur se në 25 prill duhët një përmbysje demokratike. Përmes një postimi në facebook, Meta ka deklaruar se zgjedhjet duhet të ishin mbajtur me kohë. Deklaratat e Metës vijnë në një kohë kur ethet e zgjedhjeve parlamentare kanë përfshirë të gjithë klasën politike. Edhe pse fushata zyrtarisht nis në fund të marsit, partitë politike janë në fazën e organizimit të koalicioneve dhe marrëveshjeve paraprake, si dhe me përzgjedhjen e kandidatëve që do të jenë në listat përfundimtare. Por qëndrimi i fundit politik i presidentit Meta, është në vazhdën e qëndrimeve që ai ka mbajtur herë pas herë karshi maxhorancës aktuale. Përmendim këtu kritikat e vazhdueshme për menaxhimin e pandemisë, ku edhe një ditë më parë gjatë dekretimit të marrëveshjes për marrjen e vaksinmave nga Pfizer, presidneti kërkoi transparencë për situatën dhe ndjekjen e një protokolli shëndetësor të sigurtë, që garanton ruajtjen e vaksinës në parametra të sigurtë, me qëllim efektivitetin e saj. Po ashtu përmendim edhe kthimet me dekret të shumë ligjeve të miratuara nga parlementi me votat e shumicës parlamentare. Qëndrimi më i fundit i kreut të shtetit për përmbysjen demokratike që duhet të ndodhë në 25 prill, është paranteza e do të jemi përballë një fushate të ashpër elektorale.