Ilir Meta iu drejtua zyrës së kreut të Rithemelimit, Sali Berisha ku diskutoi aksionin e përbashkët opozitar. Takimi vjen një ditë pas shpalljes së rezultatit zgjedhor në Rrogozhinë, ku as Meta dhe asnjë anëtar i Partisë së Lirisë nuk u shfaqën gjatë procesit zgjedhor në mbështetje të kandidatit të koalicionit ‘Bashkë Fitojmë’. Meta: “Do bashkëpunojmë dhe për sezonin e ardhshëm parlamentar. Ju e dini se ne kemi qenë dhe jemi për mbështetje të protestave, të inicuar nga qytetarët, rrugat e protestave është e domosdoshme, ku shoqëria do të shprehë të gjithë atë që ndodh.” Meta u shfaq i pashqetësuar për hetimet e SPAK lidhur me lobimet 700 mijë dollarëshe të LSI-së në Shtetet e Bashkuara të Amerikës, për të cilat Petrit Vasilin dhe Endrit Braimllari, kanë dëshmuar para prokurorëve të posaçëm.