Presidenti Ilir Meta, kryeministri Edi Rama, kryetari i kuvendit Gramoz Ruci dhe kryetari i Gjykatës Kushtetuese kanë të drejtë të flasin pa limit në celular. Vendimi është publikuar në Fletoren Zyrtare me numër 158 të datës 8 shtator dhe në të veçohen zyrtarët e lartë që mund të kryejnë biseda pa limit në telefon të paguara nga buxheti i shtetit. Në këto biseda përfshihen edhe telefonat kur ata ndodhen jashtë vendit, i njohur si shërbimi roming. Ndërkohë, të kufizuar telefonat deri në 400 mijë lekë të vjetra në muaj, i kanë kryetari i Gjykatës së Lartë, Prokurori i Përgjithshëm si dhe drejtuesit e SPAK dhe Byrosë Kombëtare të Hetimit. Sa gjysmën e kësaj shume, përfshihen zyrtarët si Avokati i Popullit, Kryetari i Komisionit Qendror të Zgjedhjeve, Kryetari i Kontrollit të Lartë të Shtetit, Kryetari i Kontrollit të Lartë të Shtetit, si dhe Zëvendëskryetari i Kuvendit.