Në mbi 100 ligjet e kthyera për rishqyrtim të Presidentit Ilir Meta është shtuar edhe ai për sektorin minerar. Këtë të hënë, e cila korrespondon edhe me ditën e dorëzimit në Kushtetuese të kërkesës për shkarkimin e tij në Gjykatën Kushtetuese kreu i shtetit ka argumentuar se amendamentet ligjore për këtë ligj, jo vetëm janë miratuar përmes një procedure aspak transparente, por sipas tij, shkelin rëndë Kushtetutën, si dhe heqin në mënyrë arbitrare të drejtën e pronës. Gjithashtu, Kreu i Shtetit evidenton se procedura e propozimit, shqyrtimit dhe miratimit të ligjit karakterizohet nga vullneti për miratimin e normave ligjore preferenciale e favorizuese, duke shpërdoruar kështu funksionin legjislativ të Kuvendit të Shqipërisë në një periudhën kohore përgjatë afrimit të fundit të mandatit të tij.