Presidenti Ilir Meta i është rikthyer edhe një herë incidentit të para pak ditëve të ndodhur në zyrtar e FRD-së. Gjatë një komunikimi me mediat kreu i shtetit tha se problematika të tilla zgjidhen me marrëveshje mes palëve dhe nuk zgjidhet me dhunë. Sipas tij që të ushtrosh dhunë në sy të presidentit tregon se kemi të bëjmë me një bandë që kërkon të nënshtrojë çdo institucion. “Mos u shqetësoni nga tonet e mia të ashpra se janë propagandë për të fshehur kapjen totale të shtetit, nëse do të funksiononte shteti, ata që promovuan dhunë ndaj partisë si FRD, sot do të ishin marrë në ndjekje penale për shpërdorim detyre. Në një vend ku funksionon shteti it ë drejtës, zgjidhet me marrëveshje, ose në gjykatë sikurse ishte e përcaktuar vendi i gjykatës për një çështje të tillë. Të ushtrosh dhunë edhe në sy të presidentit tregon se kemi të bëjmë me një bandë që kërkon të nënshtrojë çdo institucion. Presidenca një kala e pakalueshme e demokracisë. Duhet të keni të qartë që falë qëndresës së presidentit dhe popullit heroik të 2 marsit që është trefishuar do të rivendoset demokracia” Sa i takon akuzave të kryeministrit Edi Rama se opozita dhe Presidenti duan të kapin reformën në drejtësi, merta tha se kjo reformë s’mund të jetë më e kapur se sa është tani. Ai mori si shembull dosjet e Shijakut dhe të Dibrës, për të cilat tha se nga peshkaqenët u kalua tek ca cironka. “Si mund të jetë më e kapur se sa është e kapur reforma në drejtësi. Si mund të jetë më tepër se sa kaq. Vetëm rasti që përmendëm pak më parë. Ka ndonjë ndjekje penale për ta. Kush i del për zot letrës së Bakallit. Së dyti, ju e shikoni si u katandisën dosjet e Shijakut dhe të Dibrës, nga peshkaqenët që ishin që i ka parë gjithë botë, të cilët janë akoma në listat për deputetë kalohet tek ca cironka. Njësoj si me çështjen e drogës, në vend që të vihen para përgjegjësisë ata që pastrojnë lekët e drogës, kapen ata për 2-3 gram kanabis” I pyetur nga gazetarët për planin e tij për mbrojtjen e votës së lire, Meta tha se do njiheni në vijim me përmbajtjen, duke kërkuar që të gjithë të mbajnë duart larg nga votat. “Se ç’përmban ky plan do të njiheni në ditët në vijim. Çdo shqiptar i ndershëm dhe patriot pavarësisht bindjeve partiake është 100% dakord me Presidentin e Republikës që nuk duhet të vihet më dorë mbi votën sepse prandaj jemi në këtë situatë kaq të rëndë, që udhëheqim në nivel botëror për shpopullimin e vendit, pikërisht se niveli i lirisë së zgjedhjeve është katandisur në këtë situatë që e dini ju dhe që e di gjithë bota. Është një kusht i pakapërcueshëm nga BE për çeljen e negociatave. Të gjithë të mbajnë duart larg nga votat, të kontribuojnë për një fushatë civile dhe europiane, të gjithë të paraqesin alternativat e tyre”, Kreu i shtetit i bëri këto deklarata gjatë një pronovcimi me aktivistët e lëvizjes Eco Albania në mbështetje të nismës së tyre për mbrojtjen e lumit Vjosa.