Presidenti i Republikës Ilir Meta këtë të mërkurë e ka nisur me një mesazh të fortë drejtuar qytetarëve. Kreu i shtetit pas përballjeve të shumta me maxhorancën, akuzave dhe kundër akuzave për zgjedhjet e kaluara dhe mesazheve për zgjedhjet e 25 prillit, tregohet i prerë. Meta përmes një postimi në Facebook shkruan se kush fiton me poshtërsi nuk qeveri dot me drejtësi. Më shumë se një deklaratë, Meta duket se ka dhënë një mesazh të koduar. Në daljet e tij publike së fundi, Ilir Meta ka deklaruar se do të bëjë gjithcka që në 25 prill të ketë një pjesëmarrje të madhe në zgjedhje, si reflektim për demokracinë. Por, më shumë se kaq, Ilir Meta akuzon Qeverinë edhe për moshapjen e negociatave, pavarësisht se një ditë më parë në një intervistë televizive pranoi se mungesa e demokracisë e ka lënë Shqipërinë si vendin e fundit në Evropë.