Kreu i Partisë së Lirisë, Ilir Meta bëri thirrje për protesta kombëtare kundër qeverisë Rama. Përballë strukturave partiake në Lezhë, Meta renditi akuza të njëpasnjëshme ndaj qeverisë, duke filluar nga favorizimet në tendera e deri tek niveli i ulët i pagave, përmes të cilave i ftoi qytetarët të ngrihen në protesta. “Duhet të nxitojmë për të larguar rilindjen, për t’i dhënë fund shtetkapjes. Vendi është kthyer në një vend monist. Jemi në një situatë tepër kritike të pasigurisë juridike për çdo qytetar. Ndaj të gjithë të ngrihemi më këmbë për të shpëtuar vendin tonë, për të mbrojtur familjet tona. Për t’i dhënë fund njëherë e mirë një lidershipi skizofrenik që premton vetëm korrupsion skizofrenik.” Meta e cilësoi projektin e Portit të Durrësit, një investim të dominuar nga mungesa e garës dhe korrupsioni.