Presidenti Ilir Meta gjen fajtorin për vakancat në Gjykatën Kushtetuese. Përmes një letre drejtuar kreut të Agjencisë së Kadastrës dhe për dijeni edhe kryeministrit Rama, Meta bën me dije se institucioni që drejton Artan Lame është kthyer në një pengesë për Këshillin e Emërimeve në Drejtësi. Kjo për shkak se disa drejtori të kësaj agjencie nuk kanë bërë gati informacionin që kërkohet për kandidatët për anëtarë të Gjykatës Kushtetuese. Sinkron: “Siç dhe mund të jeni vënë në dijeni, aktualisht Këshilli i Emërimeve në Drejtësi, është duke punuar për verifikimin e kandidaturave për plotësimin e 4 (katër) vendeve vakante në Gjykatën Kushtetuese. Pikërisht lidhur me ecurinë e procedurave të verifikimit të kandidatëve prej KED-së, është evidentuar si një çështje shumë problematike, pengesa që po krijohet nga mosdhënia e informacionit të kërkuar prej KED, nga disa drejtori vendore të ASHK-së, në varësinë direkte tuajën.” Fenomeni në fjalë është shqetësues, për faktin se nuk ndodh për herë të parë, por nuk ka funksionuar përgjatë 4 viteve të fundit.