Mosfunksionimi i Gjykatës së Lartë dhe asaj Kushtetuese ka qenë në jo pak raste refren i politikës në Shqipërisë. Por, kur vendi pret hapjen e negociatave dhe një ndër kushtet ka qenë pikërisht funksionimi i Gjykatës Kushtetuese, asgjë nuk duket në horizont. Ndërkohë, Presidenti Ilir Meta i ka dërguar një letër Këshillit të Emërimeve në Drejtësi ku ka evidentuar problematikat, anomalitë dhe vonesat e pajustifikuara dhe duke kërkuar njëkohësisht zbatimin e Kushtetutës dhe të Ligjit, si dhe marrjen e masave emergjente për bërjen funksionale të Gjykatës Kushtetuese dhe Gjykatës së Lartë. Në këtë letër thuhet se kanë kaluar 4 muaj nga ky qëndrim dhe Këshilli i Lartë Gjyqësor në mënyrë të pashpjegueshme dhe të pamotivuar ligjërisht ende nuk ka mundur të përmbyllë shqyrtimin e vetëm një kandidature të ngelur në garë për këtë vend vakant. Kjo situatë është e papranueshme për Presidentin e Republikës!”.