Në Apelin e GJKKO-së mbahet seanca për kreun e Partisë së Lirisë, Ilir Meta dhe deputeten Monika Kryemadhin, të cilët kanë ankimuar masat e sigurisë të vendosur nga shkalla e parë. Ankimi do të shqyrtohet nga gjyqtarja Igerta Hysi. Në Apelin e Posacëm, Kryemadhi është shoqëruar sërish nga e bija, ndërsa nga prokurorët ka munguar Altin Dumani. Ish presidenti Ilir Meta është në masën e sigurisë ‘arrest me burg’, ndërsa ish-bashkëshortja e tij Monika Kryemadhi në masën ‘detyrim paraqitje’. Ish presidenti ndohet në burg, për akuzat e korrupsionit, pastrimit të parave dhe fshehjes së pasurisë. Po për të njëjta akuza, ish-bashkëshortja e tij ndodhet nën hetim, dhe ka masën e sigurisë “detyrim paraqitje”. SPAK ka ngritur akuza ndaj Metës, për tre raste korrupsioni, të përfshirë në dosjen CEZ-DIA, si dhe për lidhje të dyshuara korruptive me një biznesmen. Kryemadhi dhe Meta, pavarësisht akuzave, të dy, i kanë mohuar dhe i konsiderojnë hetimet si një përpjekje politike për të sulmuar opozitën.