Monika Kryemadhi përmes mbrojtësit të saj ligjor ka depozituar ankim në Apelin e Posaçëm për masën e sigurisë “detyrim paraqitje”, e cila iu vendos nga Gjykata e shkallës së parë. Ndërkohë deputetja do paraqitet këtë të hënën para oficerit të sigurisë/ Ajo akuzohet për Pastrim Parash, mosdeklarim të ardhurash dhe korrupsion. Ankimim pritet të bëj dhe Ilir Meta, I cili ndodhet në paraburgim pasi është me masën e sigurisë ‘Arrest me Burg’ si dhe dy të akuzuarit e tjetër, Piro Xhixho dhe Ema Çoku. Nga hetimet e zhvilluara nga ana e SPAK u ngritën dyshime se Meta ka abuzur në të paktën pesë raste. Ai ka përfituar para në mënyrë të paligjshme përmes kontratës së Cez-Dia. Po ashtu gjatë kohës që ka qenë kryetar Kuvendi ka përfituar një vilë nga një biznesmen me qëllim që të miratonte një ligj në favor të tij, thotë SPAK. Po ashtu Ilir Meta bashkë me Kryemadhin nuk kanë deklaruar shpenzimet për ndërhyrjet estetike si dhe çështjen e lobimeve në SHBA. Arrestimin Ilir Meta e ka cilësuar si politik ndërsa ka akuzuar kryeprokurorin e SPAK Altin Dumani se po godet opozitën qëllimisht në prag të fushatës elektorale.