Përmes një audio mesazhi nga IEVP 313, ish presidenti Ilir Meta ka kujtuar Konventën e Partisë së Lirisë që u mbajt në 27 prillin e vitit të kaluar, që sipas Metës përcaktoi rrugën e 5 prioriteteve, që e shndërrojnë Shqipërinë në një vend me popullsi me mbi 4 milion shqiptarë. Kreu i Partisë së Lirisë thotë se shkak për taksat më të larta dhe me të ardhurat më të ulëta në krahasim me të gjithë rajonin, është bërë korrupsioni i qeverisë Rama. Jemi vendi me taksat më të larta në të gjithë rajonin, por edhe me të ardhurat më të ulëta, e shkak për këtë është vetëm korrupsioni i organizatës të Edi Ramës dhe mbi 400 lidhje nepotike në sistemin e tatimeve dhe të doganave që janë sot. Ngritja e nivelit të të ardhurave nga 27%-28% në 41%–42%, sa vendet e rajonit tonë, do të thotë këto taksa të hyjnë në Buxhetin e Shtetit çdo vit 3.2 miliard euro ose 13 miliard euro në 4 vite.