Menjëherë pas deklaratës së kreut të grupit parlamentar të Partisë Socialiste Taulant Balla për kërkesën e 50 deputetëve për shkakrimin e Presidentit Ilir Meta, ky i fundit ka reaguar përmes një statusi në rrjetet sociale. Meta kërkon vazhidimin e numërimeve për çdo kontestim pasi suipas tij ende nuk ka përfunduar asgjë ndërsa kërkon të mos merren me shashka. “Të përqëndrohemi në mbylljen e procesit zgjedhor. Asgjë nuk ka përfunduar! Të vazhdojë administrimi i çdo kontestimi dhe ankese deri në rinumërimin e votës së fundit. Detyrë e të gjithë subjekteve të ndjekin procesin deri në fund. Mos u merrni me “shashka”, por me hetimin e krimeve zgjedhore!” Presidenti të gjitha pretendimet e deritanishme për shkelje të Kushtetuës nga ana e tij por edhe deklaratat e herë pas hershme të socialistëve I ka cilësuar si shashka. Po ashtu e ka cilësuar edhe lajmin e publikuar nga një media për videon ku ai duket në një takim në Gjir të Lalzit me dy indidvidë të cilët u përfol se ishsin subjekte të OFL-së. Sakaq pritet të nisë edhe procedura parlamentare për shkakrimin e tij e cila do fillojë nga Komisioni I Ligjeve. Në raportin e paraqitur këtë të hënë janë parashtruar të gjitha shkeljet e pretenduara nga ana e Ilir Metës ndërsa verdiktin final do e jape Gjykata Kushtetuese.