Spak renditi episodet e radhës sa i takon lobimit të LSI në Shba në seancën e kësaj të mërkure në gjyqin në themel në ngarkim të ish-presidentit Ilir Meta dhe Monika Kryemadhit. Që në nisje të seancës në GJKKO pati debate pasi Meta ndërhyri duke kërkuar që të përgjigjej për relatimet e gjyqit të shkuar. Meta e akuzoi gjyqtarin Erjon Bani për njëanshmëri. “Dua të jap përgjigje për seancën e kaluar, pastaj të vazhdojmë me sot. Jeni ekstremisht i njëanshëm. Jam si terrorist ukrainas. Keni tmerr nga e vërteta”- tha Meta me tone të larta, ndërsa gjylatësi Erion Bani ndërhyri duke kërkuar qetësi. Prokurori Sotir Kllapi te çështja e lobimit tregoi hetimet për marrëveshjen e lobimit, ku LSI ka paguar vetëm 93 mijë dollarë nga 463 mijë që ka deklaruar kompania GSIS, ndërsa të tjerat janë paguat nga Adrian Shatku, që sipas SPAK është bërë pastrim parash.