Ministria e Arsimit ka reaguar lidhur me denoncimin për mësuesin Ëngjëll Bregu, i cili rezulton i dënur për pedofili dhe ngacmim seksual në vitin 2003, ndërkohë që është rikthyer sërish të japë mësim, duke u emëruar para 1 javë si mësues Fizike dhe Informatike në shkollën 9-vjeçare ‘22 Tetori’ në Berat. Përmes një postimi në rrjetet sociale, ministrja Evis Kushi ka bërë me dije se 62-vjeçari Ëngjëll Bregu është larguar menjëherë nga detyra pas denoncimit, ndërkohë që shton më tej se është nisur një hetim administrativ për të gjetur personin apo personat përgjegjës, që me neglizhencë apo paaftësi, nuk kanë marrë informacionin e duhur dhe kanë lejuar punësimin e tij.