Personi i arrestuar për të shtënat në Darkën e Korrespondentëve të Shtëpisë së Bardhë të shtunën u identifikua nga një zyrtar i zbatimit të ligjit si Cole Tomas Allen, nga zona e Los Angeles, i cili nga faqet e mediave sociale duket se ishte i diplomuar në Caltech dhe punonte si mësues me kohë të pjesshme dhe zhvillues lojërash. Zyrtari tha se Allen, 31 vjeç, është banor i Torrance, Kaliforni, një qytet bregdetar që është pjesë e zonës së Gjirit Jugor ngjitur me Los Angelesin pranë Gjirit të Santa Monikës. Shefi i departamentit të policisë së Distriktit të Kolumbias tha se hetuesit besojnë se i dyshuari ishte një mysafir në hotelin Ëashington Hilton, ku po zhvillohej darka vjetore, por se nuk ishte përcaktuar ende asnjë motiv për të shtënat. Postimet në Facebook, të lidhura me Cole tregojnë se ai u shpall "Mësuesi i Muajit" në dhjetor 2024. Një profil në LinkedIn në emrin e të dyshuarit e përshkruan atë si "inxhinier mekanik dhe shkencëtar kompjuterash me diplomë, zhvillues lojërash i pavarur me përvojë dhe mësues. Ai mori një diplomë bachelor në inxhinieri mekanike nga Instituti i Teknologjisë i Kalifornisë në vitin 2017 dhe një diplomë master në shkenca kompjuterike nga Universiteti Shtetëror i Kalifornisë në Dominguez Hills në vitin 2025. Shërbimi Sekret tha se i dyshuari ishte i armatosur me një armë gjahu dhe është aktualisht në paraburgim.