Zjarre të tërbuara po përfshijnë Mesdheun duke shkaktuar evakuime masive dhe duke ndezur alarme të kuqe në vendet e nxehta, të preferuara nga pushues nga e gjithë bota. Skena apokaliptike janë filmuar në Francë, Spanjë, Greqi dhe Portugali ndërsa zjarret shkatërrojnë pyjet mes një vale rekord të nxehtësisë. Më shumë se 1,000 zjarrfikës, 380 kamionë dhe tetë avionë janë angazhuar për të vënë nën kontroll një zjarr në pyje, që po zgjerohet, në Portugalinë veriore. Flakët kanë përpirë 10,000 hektarë tokë ndërsa vendi lufton temperaturat përvëluese prej ditësh. Nëntë persona janë plagosur deri më tani, përfshirë dy civilë që janë në gjendje të rëndë. Temperaturat pritet të arrijnë 44 gradë Celsius në disa rajone portugeze ndërsa përvëlimi vazhdon. Vendasit janë urdhëruar të qëndrojnë larg pyjeve dhe të shmangin përdorimin e disa llojeve të makinerive.